November 25, 2011

INDIA SUMMIT neih zawh a ni ta. India Unit leh N.E India Unit ten inpawh lehzuala thawhona neih tum

November 18 & 19 khan Hyderabad-ah Rev. Lynden G.Shalm, Regional Director for Asia kaihhruaiin India Summit neih a ni a. America ram atangin hruaitu thenkhat te lokal in India Unit UPC leh North India unit UPC atangin hruaitute an kal a, UPC NEI atangin Rev. P.Chunga General Superintendent leh Rev. R.Lalrinsanga General Secretary te an kal a, Rev. P.Chungan N.E India Unit report tlangpui India Summit-ah hian a pe a ni.
            India Summit hian India rama zau zawk leh chak zawka rawngbawl dan turte, Media leh Internet tangkai leh zuala hman dan tur te leh Education lama nasa zawka hmalak dan tur te an rel a. Rorel zinga pawimawh zual te :
1. Theological Education lama chak zawka hma la tur in Indian Education Council dinin hetah hian Rev. Prince Mathiaz, Missionary to India & Sri Lanka chu Chairman ah ruat a ni. India Unit UPC leh UPC NEI  unit atangin member 2 ve ve ruat tur an ni ang.
2. India unit leh NE India unit ten an intawm tur, India ram pumhuap rawngbawlna puanchhuahna leh inpawh tlang leh tang tlang zawka hmalakna turin website pakhat siam a ni ang a, hemi atan hian Co-ordinator-ah Bro. Reuben Hobday, Chennai chu ruat a ni.
3. India unit leh N.E India unit hruaituten kum 2 danah meeting neih ziah thin tawh ni se an ti bawk.

India Summit-a kal N.E India hotute pahnih hian November 22 khan dam takin Aizawl an thleng leh a ni.

2 comments:

  1. tiang hi a hma khan kan nei ngailo a mi le.ka hre ngai em me pawn ka hrelo tlat mai. a lawmawm e. hetia india ram chhunga kan inpumkhat theihna tur thil hi chuh kan bawhzui that nghal char char hi a tul hle a nia.

    ReplyDelete

Comment tu te chungah kan lawm. Kan site in tlawh tih a hriat e.. Comment zel teh u