March 21, 2012

PYD Day denchhenin Thisen Unit 21 pek a ni

March ni 21, 2012 PYD Day denchhenin Chaltlang bial PYD chuan Civil Hospital, Aizawl-ah Thisen an pe a, thisen petute hi mipa 15 leh hmeichhia – 6 an ni a, unit 21 an pe a ni. Thisen pe tura kal mi eng emaw zat chhan eng emaw vanga pe thei lo pawh an awm a, member te inpekna a thukin thisen peknaa hian bial chhung local 5 atangin member an kal tha hle a ni. Thisen hi Civil hospital blood bank thawktuten lain a hmunah pek chilh a ni a. Blood bank hotute pawh an lawm hle.

Kumin PYD Day hi a vawi 43 na niin N.E India hmun hrang hrangah PYD DAY hi hlim takin an hmang hlawm a, chhun lamah intihhlimna hun hmang te, Vantlang tana thil tha tihnan te leh Inpawlhoa hun hmang te awmin Local mala hmang an awm laiin bial huapa hmang pawh an awm nual a, hmun thenkhatah chuan zan lam thlengin hun an hmang a ni.

Kum 1969 March ni 21 a Executive Board rorel inkhawm hmasa ber, Shillong-a Peak Hotel a neihah United Pentecostal Church North East India pumpui huap General Youth Department din a ni (Hemi hma hian Tualchhung hmun thenkhatah chuan Local PYD din a ni tawh thung. Nimahsela, N.E India huapa PYD din tan kum chu 1969) a ni.

Hruaitu hmasa te:
General PYD President                       : Rev. K.L.Hnuna.
General PYD Secretary/Treasurer   : Rev. K. Satinvela.

No comments:

Post a Comment

Comment tu te chungah kan lawm. Kan site in tlawh tih a hriat e.. Comment zel teh u