Aizawl City PYD Co-ordination Comt. pawimawh neih a ni

Dt 20. August.2010 Zirtawp zan khan Chanmari S.S hall-ah Aizawl City PYD Coordination Committee te chuan committee pawimawh tak an nei. Evan C.Lalthantluanga'n Committee hi a kaihruai a, Aizawl khawpui chhunga Bial hrang hrang atangin Committee member an kal tha hle.

Aizawl khawpui chhunga PYD te tan JOINT FELLOWSHIP neih ni se tih rel a ni a, a hun atan November ni 20 Inrinni chhun leh zanah Bethlehem Biak Inah Jt. Fellowship hi neih tura ruahman a ni a, zaipawl, mal zai leh programme hlimawm tak tak te hmangin fellowship hi neih tur a ni ang. Zaipawl intihsiak tur a ni dawn a. Intihsiakna tur hla leh tul dang chu Organising Committee din niin Org. Comt. te hian an la ngaihtuah ang.

North East India PYD ten kum tina hman thin Otober ni 2, SOCIAL WORKS DAY chu kumin 2010 ah hian Aizawl khawpui bika PYD te hman dan tur ngaihtuah niin Green Mizoram ten thing tam tak an phun tawh te hung thata a hmunhma sam fai tur a ni ang a, Vantlang zunin Ngaizel leh zemabawka City PYD in a lo siam tawh te cheithat a ni bawk ang. Tin, Social Works Day denchhenin CYMA hnuaia Ruihhlo dotu pawl CADS tanpuina tur atan member tinah Rs 5 khawn tur a ni bawk.