North Mizoram District PYD Kumpuan Committee chuan General PYD Kumpuan THIANG HLIMNA chu Hawnna a nei ta a, Hawnna inkhawmah hian Aizawl khawpui chhunga local hrang hrang atangin member an kal tha hle a, N. Mizoram Dist. Choir leh Gen. PYD choir ten fakna hla mawi tak an sa a ni. Dt 12.July.2010 Thawhtan zan khan Hunthar UPC Biak inah Kumpuan Hawnna inkhawm hi neih niin N.Mizoram Dist. Kumpuan Committee chairman Bro.K.Lalngilneia, N.Mizoram Dist.PYD Vice President ni bawk chuan a kaihruai a, inkhawm hi dar 7:05-ah tan niin North Mizoram District zaipawl ten “ Chatuan khawvarna ram” tih hla mawi takin an sa a, hemi hnu hian Evan.Lalruatkima, Gen PYD kumpuan Chairmanin thutawi sawiin Gen .PYD in hmalak a tum dan te a sawi a, “ TV, Internet, Mobile, incheina, zuk leh hmuam ah te Kumpuan Thianghlimna hi kalpui tum a ni” a ti a, hei bâkah hian District, Bial leh tualchhung ten kumpuan an bawhzui dan tur (guidelines) mummal tak siam a nih thu a sawi bawk. Evan C.Lalthantluanga, Gen PYD Secre...