Chaltlang PYD

Dekapam, Demaji Section, Assam Missions Field-ah Dt 24.06.2011 Zirtawpni hian Hindu chhungkaw 1, member 5 te chuan UPC zawm tharin mi 3 ten Isua hmingin baptisma an chang nghal. Helai hmuna kan rawngbawltu Bro. Haren Basumatary rawngbawlna Lalpan mal a sawmin Dekapam-ah hian tunhnaiah member 19 zet Lalpan min pe. Heng mithar te hi Hindu atang leh Believers an tih mai kohhran atanga lo lut te an ni a. Hetih lai hian Believers kohhran pastor chuan kan rawngbawltu Bro. Haren Basumatary hi kutthlak/vuak tumin a vau a, a rawngbawlna kawngah harsatna a siam a, ram a inhawn hle laiin Setanan hna thawkin harsatna a siam nasa hle. Mahse Lalpan ram nei ha thulh chuang lo a, June thla chhungin member 19 zet Lalpan min pe a, member eng emaw zat pawh beiseiawm tak tak an la awm a, kohhran ten kan tawngtainaah kohhran member tharte leh kan rawngbawltu Haren Basumatary i hre reng ang u.

Dt. 23/06/2011 Ningani dar 10:30 a.m khan Aizawl East District Hqrs. Biak in, Ramhlun South-ah General Sunday School Board meeting neih a ni. Gen. S.S. Board hi Rev. P. Chunga, Gen,. S.S. Director-in a kaihruai a, District hrang hrang atangin Board member an kal tha hle. Rorel tlangpui hengte hi an ni (Minute ang diak diak lovin) : (1) MISSIONS FIELD-A SUNDAY SCHOOL DIN THU : Kum 2011 Gen. S.S. Conf in a lo pass tawh angin N.E India Missions Field-ah Sunday School din tha tih niin Field hotuten lo din se tha tih tlan a ni. (2) 2012 NPSS ZIRTUR BU : Kum 2012 Naupang Sunday School zirbu atan Zirbu Hman mek (New Millenium Series) Kum khatna zir tur a ni ang. Kum danga zir tur leh zirbu siamthar chungchang leh kalpui zel dan tur erawh chu kum 2012 Gen. S.S Conference-ah sawiho leh tur a ni. (3) KUM 2013 PUITLING ZIRBU TUR : Kum 2013 Puitling S.S Zir atan 'Thuthlung (Doctrine) lam hawi' ni se. A ziak turin Rev. John L.Gangte, Central District S.S Secretary, Shillong a ni...