Chaltlang PYD

General PYD Choir te chuan Dt. 21st July 2011 Ningani zan khan Chanmari S.S Hall-ah Rimawi hmanrua (musical instrument) an neih tharte Pathian hnena hlanin hun hlim takin an hmang. He hun hi Evan. Laltlanhlua Hnamte in a kaihruai a, Rev. V.L Dika Sailo, General Missions Director UPC-NEI chuan General Choir ten hah tak leh rim taka an tuak Rimawi Hmanrua (Musical Instrument) thar te hi Pathian hnena hlanna a nei a ni. Pastor C.Lalthantluanga, Chairman, General Music Committee leh Bro. K.Lalngilneia, Secretary General Music Committee & Conductor ten thu an sawi bawk. Hun tawp lamah coffee tui hnai tak inhoin an zaiho bawk. General Choir ten Rimawi hmanrua Pathian hnena hlante : Drums set (V-Drum), stand-2, Bass guitar, Mixer, Woofer, cable (10 mts) -4, te a ni.

North Mizoram District Board chu ruahman lawk angin Dt. 19 & 20th July 2011 Thawhlehni leh nilaini khan Central YMA Committee room-ah tluang taka neih zawhfel a ni. District Board member zawng zawng an telkim vek a, Rev.P.Chunga General Supdt. aiawhin Rev.Lalmalsawma Sailo General Treasurer chuan North Mizoram District Board hi a telpui a ni. District Board-ah hian thu pawimawh tak tak rel leh sawiho a ni a, rorel a tam lo va, thurel langsar zual 2 te a hnuaia mi hi a ni: 1. Kohhran ram zawng zawng te Land lease siam vek ni se. 2. Kohhran ram leina tur atan heng hmunah te hian sum ruahman a ni. a. Reiek - Rs 2,50,000.00 b. Mamit Luangpawl - Rs 2,20,000.00 c. Tuahzawl - Rs 20,000.00 District Board hi Rev. C.Lalmuanpuia District Superintendent chuan kaihhruaiin Dt. 19 & 20 July 2011 Thawhlehni leh nilaini nilenga rorel hnuin Nilai zanah tluang takin Board hi zawhfel a ni.