General Missions Board chu dt 15. September.2010 Nilaini hian AED Hqrs Biak in, Ramhlun South-ah neih a ni a, UPC-NEI huamchhunga District hrang hrang leh Missions Field hrang hrang atangin District Missions Director leh Field Director te an tel a ni. Dar 10:30 a.m-ah Board meeting hi tan niin Rev. V.L Dika Sailo, General Missions Directorin Board hi kaihhruaiin Rev.K.Darsailova, Gen. Supdt; Rev. R.Lalrinsanga, Gen.Secy; Rev.Ellic Hnehzova, Gen. Trea. ten an tel pui a, UPC-NEI huamchhunga Board member te an kal tha hle. He General Missions Board hian ro pawimawh tak tak relin kum 2011 chhunga Missions Field hmun hrang hrangah Project siamin Biak In sak te, Qtrs sak te leh thil pawimawh tak tak tihpuiltin turin a rel a. Tin, kum 2010 General Missions hnuaia Missionary Map siam ni se tih pass a ni bawk a. Thawktu insawn (transfer) siam niin Field hrang hranga thawktute appoinment tih thar leh a ni bawk a, hetiang hian Field thenkhat hruaitute ruat thar an ni. DIMAPUR FIELD ...