N. Mizoram District Conference vawi 62 na chu March ni 1 Zirtawpni zan atang khan Hqrs. Biakin, Tuikhuahtlangah tran a ni ta a, inkhawmpui thupuiah SIAMTHAR LEHNA hman a ni a, Pathian biak inkhawm chairman-ah Rev. C. Lalmuanpuia District Supdt hman a ni. Rev. P. Chunga, General Superintendent-in Conference hi a hawng a, Hqrs. Bial PYD Zaipawl leh District Choir-tem fakna hla an sa a. an zai a, Praise & Worship hun hman a ni a, Mamit Bialtu Pastor Rev. K. Lalduhsangan a kaihruai. Inkhawmpui tran zan hian hlim takin hun hman niin Beramno chawimawina hlapui rem a ni. Vawiin Zirtawpni chhun kha District Sunday School Conference rorel neih a ni. Zanin inkhawmah hian Rev. RC Puian thu a sawi ang a. District Choir leh Sis. Ramtharzuali ten fakna hla an sa ang. Naktuk Inrinni chhunah Conference rorelna neih leh a ni ang a, tin naktuk hian District hruaitu tur thlan a ni nghal bawk ang. Naktuk zanah Rev. R. Lalhawia, Aizawl East District Superintendent-in thu sawiin, General Choir, H...