Chaltlang PYD

Chaltlang PYD ten Rawngbawlna atan leh N.E India huamchhunga Kohhranhote chanchin inhriatpawh tawnna tha zawk kan neih a, rawngbawlna inhriatpawh tawna hmasawnna leh inunauna tha zawk a thlenna tur atan WEBSITE changtlung lo tak kan han siam ve a, kum khat chuanga upa a lo ni ve ta reng mai. Tluang taka min hruaitu Pathian hnenah lawmthu kan sawi e. He kan website hi kan siam tirh atanga vawiin September ni 10, 2011 thleng hian tlawhtu 10203 a nei ve ta reng mai. Tualchhung chanchin hrang hrang te , Bial chanchinbu hrang hrang te leh District chanchinbu thlengin thulakna atana lo hmangtuten in mi fuihna leh fak dernaah lawmthu kan sawi mawlh mawlh e. Website changtlung leh tha zawka tih chhoh zel pawh kan tum e. Pathian in kan kawng min ruat sak zel anga, rem min ruatpui zel ang a, N.E India mai nilo, International huapa rawngbawlna leh inunauna leh inpawhtawnna tha zawk thlentu ni tura webiste siam changtlun hun te pawh a la inher chhuak ve ang tih hi Rinna nen kan beise...

North Mizoram District leh Aizawl East Disrict huamchhunga Pastor Bial zawng zawng  ten Dt. 9th  September 2011 Zirtawp zan atang khan Bial Sunday School Conference an hmang tan a, Bial hrang hrang ten intihsiakna tha hmangin Bial Sunday School Inkhawmpui hi an hmang mek. Bialtam zawkin Dt. 10th September 2011 Inrinni chhun hian Conference rorel an nei a, bial  thenkhat ten Dt. 10th September 2011 Inrinni zan atangin intihsiak an tan bawk. Sunday School inkhawmpui hi naktuk Pathianni Dt. 11 Sept.2011 zan hian a tiak ang. Bial hrang hrangten Puitling leh Naupang intihsiakna an nei tlangpui a, Lengkhawm zai leh Quiz hmangin Puilting inelna siam an awm bawk. Naupang lamin Châng (Bible thu), Thu Inchhâng, Group zai - Solfa leh Lengkhawm zai te, Recitation leh solo te hmangin intihsiakna neih a ni tlangpui. Naktuk Pathianni hian intihsiakna hi chhunzawm a ni ang a, lawmman sem a ni bawk ang. Aizawl khawpui chhunga bial hrang hrang(Hriat theih chin)te Bial Sunday ...