Chaltlang PYD

North Mizoram District huamchhunga Pastor-te pualin vawiin dt 21.october.2010 atang hian REFRESHER COURSE neih a ni a, naktuk 22.October.2010 thleng a awh ang. He Refresher Course-ah hian Bialtu pastor leh district pastor te an telkim hle. I&PR hall-a Refresher Course neih mekah hian dt 21.October.2010 chawhma lam hian "Pastorte chunga Mipuite Beiseina" tih thupui Evan Lalchhuanmawia Sailo, Lecturer, Govt. Hrangbana College buatsaih chu zirho a ni ang a, chawhnu hunah " Sengkhawm hna thawk tura inbuatsaih dan" tih thupui Upa Dr. H.L Ruata, Zotlang hovin zirho leh a ni ang a. Naktuk chawhma hunah District Supdt Rev.C.Lalmuanpuia thupui buatsaih "Administration & Financial" tih chu zirho a ni bawk ang. Tlai lamah Hotel Ritz-ah chawhlui an kil ho zui nghal ang.

Central District LAD leh PYD ten a huhova inkhawmpui an hman thin, LAD & PYD Jt. Conference Vawi 5-na chu Dt 15-17.October.2010 chhung khan Happy Valley, Shillong-ah hlim leh tluang taka hman zawh a ni ta. Central District te hian LAD leh PYD te inkawpin Conference hi an hmang thin a, he inkhawmpuiah pawh hian member an kal thain an hlim hle. He inkhawmpuiah hian Sis. Lalramlawmi Sailo B/W, Lunglei Dist LAD Secy., Sis. P.C.Lalrinthangi B/W Lunglei Dist LAD President, Rev.Lalmalsawma Sailo Gen. PYD President leh Evan Laltlanhlua Hnamte, Aizawl East District PYD Vice President ten Pathian thuchah an puangchhuak a ni. Dt 16.October.2010 chhun khan PYD leh LAD te hian a hran ve vein rorel inkhawm an nei a, dt 18.October.2010 khan LAD ten District Board meeting an nei nghal bawk. LAD te rorel pawimawh zual te: (1). Nakkum 2011 January 2nd sunday hmangin Tura hmunah Seminar/Leadership Training neih ni se, thupui leh resource person te hetiang hi an ni ang. A. Sum leh Pai - Sis. Darthahn...