Chaltlang PYD

Vawiin SEPTEMBER NI 25 hi khawvel puma UPC lo din ni niin Missionary Day a ni a,. North East India kohhran hrang hrangten chhunlamah awmni khamin hun an hmang a, kohhran tam zawkin zan lamah Missionary Day pual hian hun an hmang thung. Kohhran thenkhat ten Ruai nen an hmang a, Thlarau lam boruak hlimawm tak nen Missionary Day hi hman a ni. UPC NEI huamchhunga District hrang hrang piah lamah Missions Field ami te pawhin hlim takin an hmang. CHALTLANG KOHHRAN te chuan Missionary Day pual hian TB HOSPITAL, ZEMABAWK a damlo te kanin inkhawm tawite hman pui a nih hnuah damlo zawng zawngte hnenah thilpek pein Bible Track (Chhandamna thu) an sem vek bawk a, Dt 25.9.2010 Inrinni zingkar khan Kohhran member thahnem tak kalin TB Hospitalah hian hun an hmang a ni.

Dt 19.September.2010 Pathianni khan Vongkithem, Dimapur Missions Field-ah mithar 7 ten Lalpa Chhandamna kawng dik zawhin UPC an zawm a, mithar zinga 2 in Isua hmingin Baptisma an chang nghal. Athibung-a Missionary awm mek Evan PC Zion Rammawia rawngbawlna Lalpan mal a sawm hle a, mitahr 7 te hi Evan PC Zion Rammawian a lawm lut nghe nghe a ni. Zirtawp zan atang khan Athibung-ah hian Crusade neih niin dt 26.th September.2010 pathianni zan thleng hi a awh ang a, Evan PC Zion Rammawia chu Speaker a ni. Tun lai hian Missions Field hmun hrang hrangah thawktuten nasa takin rawng an bawl mek a, Lalpan mithar min pe zel a, Ramthim tana kan sum leh pai thawhte a thlawn lo va, Lalpan mal a sawm zel a ni. Kan tawngtainaah i hre reng ang u. Hetih lai hian Manigong Arunchal Field-ah pawh Evan Durga Lalramchhana Speakera hmangin Nilai zan (22.9.10) atang khan Crusade neih a ni. Manigong leh Diyun kohhran te hian ruai nen Missionary Day an lawm nghe nghe