BIAL MISSIONS DEPARTMENT CONFERENCE HMAN MEK A NI

North Mizoram District hnuaia Pastor bial hrang hrang Missions Department te chuanZirtawp zan atang khan Conference an hmang mek. North Mizoram District Pastor bial hrang hrang 24 zingaah west Phaileng tih loh chuan Bial Missions Conference hi an hmang vek a ni. Aizawl khawpui chhung bialte hmanna hmun chu hetiang hi.

Chaltlang Bial- Chanmari-ah

Chawlhmun Bial – Sakawrtuichhunah

Dinthar Bial – Tuikualah

Durtlang Bial – Durtlang Ramthar-ah

Hqrs Bial – Hqrs-ah

Maubawk Bial – Maubawkah

Chaltlang Bial Missions Department Conference chu Zirtawp zan atang khan Chanmari biak inah neih tan chhoh niin he conference hian zanin thleng a awh ang. He Conference hi Rev.C.Lianchama, Bialtu Pastor chuan hawnna a nei a. Tunlai thalaite zinga tla na tak, Lunglei lam zaithiam Sis.F.Laldinmawii hnen atangin Pathian fakna hla mawi tak tak ngaihthlak thin a ni bawk.

Conference thupui atan, “CHANCHIN THA”(Rom 1:16) chu hman niin Rev.Zalawma, General Sunday School Director chu Speaker atan hman a ni . Nimin Inrinni khan rorel inkhawm neih a ni in rorel palai pawh an kal tha hle a. Rorel palai zawng zawngte hi a thlengtu Localte chuan tlai lamah chawhlui an buatsaih sak a ni. Vawiin lam Programme hman dan tur chu hetiang hi a ni ang : -

Zing

Thawhlawm Appeal : Evan.C.Hmingchungnunga

Sermon : Speaker

Chhun

Revival inkhawm Sermon :Speaker

Zan

Report : Bial Secretary

Sermon :Rev.C.Lianchama, Bialtu Pastor

Tukin zing hian North Bengal Sikkim Field Hqrs Birpara Pulpit Lecturn leisakna turin thilpek lakkhawm a ni ang a, Chhun-ah Bial Missions pual a ni ang a, zanah Calvary Bible College puala lakkhawm a ni leh bawk ang.