April 18, 2011

32nd General Sunday School Conference rorel te:

Roel palai - mi 71
1. Beginner–Junior Zirlaibu remthat leh NPSS Zirlaibu siam thar chungchang thu ngaituah niin NPSS Zirlaibu te (Beginner-Senior) chu a thar hlaka(remfel)din thar leh ni se, a tul ang apiang chu General Board kutah dah ni se ti a passed a ni.
2. Naupang Sunday school-a Senior zir zo ten puitling lama an kai hma si hian Kum khat course Kohhran thurin leh zirtirna zirna tur pawl siam belh ni se ti chu pawl siam belh tur erawhchu ti lovin, zirbu siam thar turah hian Thurin lam leh inzirtirna te erawhchu telh ni se ti a passed a ni.
3. Beginner atanga Junior Exam zawhna hi zirbu chhunga zawhna siam sa atang chauh hian siam thin ni tawh se tih chu agenda ang hian lungrual taka Passed a ni.
4. Sunday School zirtur bu hi kumtin, a hma lama tihchhuah ni tawh rawh se tih chu agenda ang hian passed a ni.
5. Kumtawp Sunday School exam hun December Second Sunday hmanga kan rel tawh chu November Pathianni hnuhnung ber hmang hian neih ni tawh rawh se tih chu vote lak a ni a,kumin 2011 atang chuan November Pathianni hnuhnung ber hmanga neih thin ni tawh tura passed a ni.Hei hi tun atanga kum 5 hma chu tihdanglam ni tawh lo se ti a ni.
6. Kan Danbu in a lo sawi anga kumtin Sunday School Conference kan neih thin hi hlawk zawka hman a nih theih nan, a aiawh siam emaw, tihtawp lailawk emaw a tha mai em tih chu sawiho a ni a,uluk taka sawiho a ni hnuin kan kal dan ngai conference hi la neih zel ni se ti a Passed a ni.
7. Puitling leh NaupangSunday School zirbu-ah hian kumtin Syllabus siam zel ni se tih chu vote lak a niin, kumtin syllabus siam zel ni tawh rawhse ti a Passed a ni.
8. Kumtawp Sunday School Exam Certificate kan inpek thin hi tihtawp ni se ti chu kumin 2011 atang hi chuan Honour Certificate chu siam tawh rih loh nise tia passed a ni.
9. Sunday school zirbua hmunhma tehna figure inang tlang hman ni se, tih chu sawiho a ni a, Agenda ang hian tha ti a passed a ni.
10.Puitling Sunday School zirtur atan thurin lam hawi, a hma thei ang ber (Duhthusam chuan 2013) zir atan siam ni se tih agenda chu agenda ang hian lungrual taka passed a ni.
11. Sunday School zirlaibu a tawngdang awm hi mizo tawngin a lamdan tur bracket-a dah zel ni se, tih agenda chu agenda ang hian passed a ni.
12. Puitling leh zirtirtu(PTS&NPSS)Kumtin a Exam kan nei thin hi tihtawp ni tawh se tih chu sawiho a ni a,uluk taka sawiho a nih hnuin vote lak a ni a,kum 2011 atang chuan zirtirtu zawng (PTS &NPSS) chuan exam hi neih tawh loh ni se ti a relthluk a ni.
13. North East India pum huapa Missions Field chhungah hian Sunday School din vek tura hmalak mek hi chhunzawm zel ni se, an zirtur subject pawh atul anga siam ni se, tih chu sawiho a ni a.Agenda ang hian tha tih a ni a,lungrual taka passed a ni.Bawhzui dan chu Board kutah dah a ni.

No comments:

Post a Comment

Comment tu te chungah kan lawm. Kan site in tlawh tih a hriat e.. Comment zel teh u