Gen. Hqrs. Building sak hna tan a ni ta

Mualpui (Aizawl) hmuna UPC-NEI General Hqrs. Office tur sak hnathawh tanna hun chu Dt 11^th April 2011 Thawhtanni Zing dar 7:30 khan Hunserh tawite hman niin Rev. K.Darsailova General Superintendent chuan bul a tan ta.

Gen. Hqrs Building sak hna thawhtanna hun tawite buatsaih hi Rev. R.Lalrinsanga, General Secretary in a kaihhruai a, Rev.K.Darsailova General Supterintendent-in Pathian thu chhiara thutawi sawiin Building sak tan hna chu bawngtuthlawha lei chêkin bul a tan hmasa ber a, General Officers ten chhunzawmin Aizawl East District leh North Mizoram District hotu ten bawngtuthlawh chêk ve bawkin hun tawp tawngtaina chu Rev. Ellic Hnehzova Fanai General Treasurer in a hmang. Hemi hnu hian ei leh in (refreshment) tui hnai tak buatsaih chu kilho a ni.

General Hqrs. Office tur hi Chhawng 5 –a sak tur niin a dung Ft 100, a vang Ft 60 tur a ni a, Hnathawh bul tanna hmasa (1^st Phase) ah hian Chhawng thum (Ground Floor leh a hnuailam zawng) sak phawt a ni dawn a ni. Building pumpui sak zawhna tur sum sen ngai duan (plan) ah chuan Mizoram PWD rate-in Cheng Nuai 580 chuang zet a ni.

Gen. Hqrs Building sak bul tanna hun hmanah hian Gen. Hqrs staff, N.Mizoram District leh Aizawl East District official te leh Mualpui kohhran member te, mi thahnem tak an kal a ni. Building sak hna hi chak taka kalpui tum a ni.