Aizawl East District Board neih a ni.

Aizawl East District Board chu Dt. 5th - 6th khan Dist. Hqrs Biak In Ramhlun South, Aizawl-ah neih a ni a, ni 7th khan Pastoral Retreat an nei zui nghal a, Rev. P.Chunga Gen. Superintendent, Rev. R.Lalrinsanga General Secretary leh Rev.K.Darsailova, Ex- Gen Supdt te resource person an ni.

District Board-a an thurel tlangpuite chu :

1) Kohhran thurin leh Administration do leh kalh zawnga thu sawi leh lehkha chhuah chu khap nawn leh a ni a, a tilui chu an chungah action lak tur a ni ang.

2) Pastor Quarters-ah hian District aiawhin Bialin thuneihna a nei ang.

3) Lehkhabu/Booklet reng reng Literature Board approve loha chhuah khap tlat a ni.

4) December District Board rual hian Bial File Training neih a ni ang.

5) Pastoral retreat kum khat danah neih thin tur a ni.

6) District Official leh Bial Pastor-ten Bial an fanin a tam thei ang ber Thianghlimna thu an sawi tur a ni.

7) Licence nei ruihtheih thil, zuk leh hmuama inthiarfihlim lo ngei a ni tih hriat chu District Board-in an chungchang a ngaihtuah ang.

8) Upper Sakawrdai Biakin chu Cyclone-in a tihchhiatsak avangin Rs. 20,000/- a sak that nan sanction a ni a, District Missions Department Conference-ah thawhlawm khawnsak an ni bawk ang.

9) Rev. Dokhuma chu August ni 18 ah a pension dawn a, Bawngkawn Bial hi Rev. PC Lalnghaklianan a lo hmui rih ang.

10) Rev. Rotluanga chu November 23-ah a pension dawn avangin Rev. Rosanga Colney in Zemabawk Bial hi a lo hmui rih ang.

11) Barak District Superintendent atan Rev. Biaksangzuala chu December thla thleng Deputation-a dah leh a ni. Champhai Bethel Bial hi Rev. R. Lalhawia, District Superintendent-in a lo hmui rih ang.