* Camping neih a ni dawn
* Office Building sa mek..
August 3-7, 2011 chhung hian Audrine Scism Children Home, Kolasib te chuan an naupangte pualin Camping an nei dawn a, Pastor Laltlanchhuaha, Bairabi bialtu Pastor chu speaker a ni ang. Home- a kan naupangten Thlarau Thianghlim an dawna camping hlawhtling tak an neih theih nan tawngtainaah i hre theuh ang u.
Tin, Tunlai hian ASC Home-ah General LAD te hmalaknain Office building tur sak mek a ni a, a bang an ping tan dawn mek a ni. Australia kohhrante tanpuinain kan Orphanage Home compound chu Brick-in hung mek a ni bawk a, an zawh thuai beisei a ni bawk.
Serampore College-a BD zirlai Bro. Lalrinmawia, Lunglei leh Bro. Phanshning, Khasi, Shillong-a mite chuan Field Education neihna atan Kolasib-a kan Orphanage Home thlangin tunah hian Field Education neiin June thla atang khan an awmchilh mek a, Home naupangte a tul tulah thil zirtirin Project work-ah pawh a tul ang angin an tanpui thin a, thawktute pawh an chungah an lawm hle. September thla thleng an awmchilh dawn a ni.
Tin, July thla khan Sis. Kate-i, Australia nula chu an University chawlh hmangin Kolasib-a Orphanage Home hi rawn tlawh lehin chawlhkar hnih chhung zet a rawn chamchilh leh a. A cham chhungin naupang enkawl leh zirtir kawngah te, thawktute a tul tulah te a pui thin bawk a. Naupang tante chawnghei tawngtaite a nei thin a, Pathianin mal a sawm a, kan Orphanage Home-ah Pathian hnathawh a thleng nasa hle a. Thawktute leh naupangte pawhin Thlarauva siamtharna an changin, School Hostel naupang zingah mi 4 in Thlarau Thianghlim baptisma an chang thar bawk a, Home leh School Hostel naupang mi 27 ten Lalpa Isua hmingin sual ngaihdamna baptisma an chang bawk a ni.
No comments:
Post a Comment
Comment tu te chungah kan lawm. Kan site in tlawh tih a hriat e.. Comment zel teh u