December 10, 2011

Aizawl East District Board neih a ni.

December 5-7, 2011 chhung khan Aizawl East District Board meeting chu District Hqrs. Ramhlun South, Aizawlah neih a ni a, Board members an kal kim. District Board meeting hi Rev.R.Lalhawia District Superintendent-in kaihruaiin Rev. P.Chunga General Superintendent chuan a telpui a ni.

Thu pawimawh tak tak rel leh sawiho a ni. Rorel tlangpui hetiang hi a ni (Minute ang diak diak lovin) :
  1. Media lamah tun aia kan chak theihan turin Media Ministry/ Cell changtlung deuh General Level-a din ni se, General level-a a theih loh chuan District-in a tul anga hmalak ni se.
  2. Kohhran Administration a him zel theih nan rawngbawltu rawih leh intlawhtawn thute thlengin dan leh rorel awm tawhsate venhimna lam hawia circular chhuah.
  3. Zuk leh Hmuam dona kawngah hma kan sawnin Kohhran mipuite zingah zuk leh hmuam nghei kan lo tam zel theih nan November Chawlhkar vawi 2-na hi ‘No Tobacco Week’ atan hman tawh tur a ni.
  4. Pastor incharge atan a hnuai mi te hi lak thar an ni:
    1. Evan E.Vanlalpeka Zote s/o Evan Sangthangpuia (L), Chhinga veng, Aizawl
    2. Evan Lalhmangaihawma Parte s/o Biaksanga, Chhhinga veng, Aizawl.
Heng mite hian january ni 4, 2012 ah Joining Report an pe ang.
  1. Bialtu pastor te awmna hmun hetiang hian sawn kual a ni:
    1. Rev. K. Thanchungnunga – Zemabawk bialah
    2. Rev.R.Lianzama – Bawngkawn bialah
    3. Rev.C.Mawizuala – Champhai bialah
    4. Pastor Hnemtluanga – Khawhai bialah
    5. Pastor C.Lalmalsawma – Thingsulthliah bialah
    6. Pastor E.Vanlalpeka Zote – Sakawrdai bialah
    7. Pastor Lalhmangaihawma Parte – Khawlian bialah
Pastor awmna hmun sawn te hian January 12, 2012 ah anmahni awmna hmun an thleng ang a, January ni 12, 2012 ah Induction Service neih a ni ang.
  1. Evan E.Vanlalpeka Zote, Office thawktu chu pastor in charge atan lak a nih tak avangin Office-a a hna chelhte vuan turin hetiang hian ruahman a ni:
    1. District Missions Treasurer a nihna hun laklawh chu District Missions Director Rev.K.Hrangvungan a lo hmui ang.
    2. Account Asst. leh a hna dangte chu Official ten a ranglamin a aiawh tur an ruat ang.
  2. District Board-in phalna a pek lohva thawhlawm khawn chu khapsa mek niin Special case pek awm tak an awm pawhin phalna (permission) lo pek tawhte khawnna tur hun (period) chhungah a dip thei turin khawn khap a ni.
  3. Kohhran thubuai Court-a Biak in kan chan ve tak lohte Biak In hmun thar ngaihtuahsak tura Board hmasain a lo passed tawh chu theih ang anga ngaihtuahsak ni se. Kum 2012 budget-ah khungin a zat tur erawh kum 2012 Budget Session-ah ngaihtuah a ni ang.

No comments:

Post a Comment

Comment tu te chungah kan lawm. Kan site in tlawh tih a hriat e.. Comment zel teh u