December 20, 2011

Chaltlang Bial PYD ADVANCE CHRISTMAS hlim taka hman a ni

December ni 16 Zirtawp zan khan Chaltlang Biak inah Chaltlang bial PYD Advance Christmas hlimawm tak hman ho a ni a, bial chhung local hrang hrang atangin member an kal tha hle. Evan K.Tlanthanmawia Chaltlang bial PYD President in hun hi kaihhruaiin Sis. Zonunmawii, Treasurer Chaltlang bial PYD in hunserh a hmang.

Advance Christmas hun hlimawm takah hian Bial Education Committee atangin Education Awareness campaign neih a ni a. Bro. Lalkrosthanga, Vice President Chaltlang Bial PYD in fuihna thuchah tha tak a sawi bawk. Tin, Chanmari Local Zaipawl ten Krismas hla mawi tak sain Sis .C.Lalrempuii Chaltlang pawhin hla mawi tak a sa bawk a. Bro. C. Lalzahawma Chaltlangin Special item hmuhnawm leh mittlai tak mai entirin kalkhawmte min tinui nasa hle a ni.


Chaltlang LAD ten hla an rem!
Kum 2011 Bial Conference-in a lo rel tawh. Bial inkantawn hun apianga Lengkhawm zai intihsiak kan neih tak result chu Bro .Robert L. Hmar Bial PYD Secretary in a puang a, hetiang hi lawmman dawngtute an ni:

1 - na CHALTLANG LOCAL PYD
2- na CHANMARI LOCAL PYD

3- na EDENTHAR LOCAL PYD

Krismas hla sain hlim takin zai ho a ni a, hun tawp lamah Gift exchange hlimawm tak neih a ni. Chaltlang Local LAD ten thingpui leh a hmeh tui tak min siam sak a, anni ho hian kalkhawm te hla 1 min sak saka, mit atlaiin beng a tlai tak zet a ni. Hlim leh phur taka hun hmang chungin zan dar 10 velah Advance Christmas chu tin a ni ta a ni.

No comments:

Post a Comment

Comment tu te chungah kan lawm. Kan site in tlawh tih a hriat e.. Comment zel teh u