Skip to main content

GEN.CHOIR INDUCTION SERVICE NEIH A NI

Image
By Pachuau Lalrokima
Dt 6.June.2010 Pathianni chawhnu dar 1;30 khan Gen.PYD Choir, kum 2010-2012 chhunga member tharte lakluhna Induction Service neih a ni.
He lakluhna inkhawm hi Evan.C.Lalthantluanga, Gen. PYD Secy leh Gen.Music Comt. chairman ni bawk chuan a kaihruai a, Gen.PYD Choir member thar 25 te chu Rev.Lalmalsawma Sailo, Gen PYD President chuan lalutin " PYD ten rawngbawlna kawng chi hrang hrangah hma nasa takin kan sawn chho zel hi a lawmawm a, rawngbawlna peng hrang hranga hmalatu te kan rawngbawlna ki theuhah theihtawp chhuah chho zel turin kan in ngen a ni" tiin zaia rawngbawlnaah Gen Choir te pawh Thlarau leh tihtak zeta rawngbawlna kalpui turin a chah bawk.
Bro.K.Lalngilneia, Secretary-Conductor chuan Zaipawl Report a pe a, Evan Hr Lalrindika , Gen PYD Treasurer chuan lawmthu sawina a nei bawk. He hunah hian Bazar Bial Zaipawl ten fakna hla mawi tak remin, Sis.Lalhmingmawii Zote leh Bro.Lalthansanga ten Pathian fakna hla mawi tak sain Pathian an chawimawi a ni.
Gen Choir hian tunah hian Music Video siam mekin an peih fel tep a, hun reiloteah hmuh theiha chhawpchhuah thuai tum a ni a. Thuthlung hla Album pawh siam tumin hma an la a, nasa takin an inpuahchah mek a ni

Comments

  1. Uncle RobertJune 29, 2010 at 1:28 PM

    Chaltlang PYD ten an website thar nizan a an hawng hi ka lawm tak zet zet a. Tin, he thu comment hma saber tu ka la ni leh thei zel hi lawmawm ka ti. General Choir te in rawngbawlna leh in inpekna a ropui ka ti khawp mai in kal zelna turah Lal Isua hmingin duhsakna ka hlan a che u.

    ReplyDelete
  2. Chhuanga, ThuampuiJuly 1, 2010 at 12:20 PM

    General choir hmalakna tha tak tak te avang hian North east india UPC ten inpumkhatna tha tak kan neih belh zel a.Ramthim rawngbawlna ah te, Thlai hmasawnna tamtak ah te leh hmasawnna hrang hrang ah te thalai rual ten Pathian kaihhruaina in ke kan pen zel a ni.

    ReplyDelete

Post a Comment

Comment tu te chungah kan lawm. Kan site in tlawh tih a hriat e.. Comment zel teh u

Popular posts from this blog

By
 NORTH EAST INDIA PYD ZINGA LA AWM NGAILO T-SHIRT TLANGZARH Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni. Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang. 
5 comments
Read more
By
 INTLAWH TAWN HUN HMA NG Dt 22 & 23 hmang khan Chaltlang kohhran chu Sesawng PYD ten an tlawh. August ni 13 & 14 hmang khan Sesawng kohhrante Chaltlang PYD ten an lo han tlawh tawh a ni. He intlawh tawnna hian tisa leh thlarauah hlawkna leh malsawmna ropui leh duhawm tak a keng tel a. Sesawng PYD ten Chaltlang kohhran an rawn tlawh tum pawh hian Thlarau lam Revival ropui tak lo thlengin tawnghriat leh tawnghriat lohte nen Pathian fakho a ni. Inkhawm apiangin zai boruak a nuamin zaikhawm boruak pawh a nuam thin hle a ni. Inrinni zanah Evan R. Lalthakima, Chaltlang PYD President chuan inkhawm kaihruaiin Bro. P. Lalhlimpuia, Sesawng PYD President-in thu a sawi a. Pathianni zing inkhawmah Evan R. Lalthakima vekin inkhawm kaihruaiin Evan JH Lalhminghlua, Vice President, Sesawng PYD in thusawi lehin Pathianni chhun inkhawm hi Bro. David Lalremruata, Chaltlang PYD Secretary-in kaihruai thungin Bro. Ricky Lallawmzuala'n thusawina a nei a. Pathianni zanah Evan R. Lalthakima'n in...
2 comments
Read more
By
  CHALTLANG PYD LEH CHANMARI PYD TEN INTAWHKHAWMNA NEI Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho. He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk. He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.  
10 comments
Read more