MISSIONARY THAR 4 TIRHCHHUAH LEH THLAHNA NEIH A NI

Dt 4. July.2010 Pathianni chawhnu dar 1:30 kha Hunthar Biak Inah General Missions Department hnuaia Missionary lak thar 4 te tirhchhuahna leh thlahna hun hman a ni a, he inkhawm hi Rev VL Dika Sailo, Gen Missions Director in a kaihruai a ni.

“Kan velah buh lak tur tam tak a hmin ta e” tih hla tanna hla atan Pathian chawimawi nan sak a ni a, hemi hnu hian zavai tawntai rual lovin Rev. Zalawma Gen S.S Director chu Pathian hnenah a tawngtai a. Missionary te tirhchhuahna (Commission) nei turin Rev. R.Lalrinsanga, Gen Secy, UPC-NEI lo dingchhuakin Matthaia 28:19-20 thu chhiarin, “ Khawvel zawng zawnga kal hnam tin hnena chanchintha puan hi kan tih tur a ni a, Lal Isua thu min pek a ni a, a thupek kan zawma chanchintha kan hril hian aman min tiam nag in kan hnenah Lalpa a awm zel dawn a lo ni” tiin a sawi belh a, Josua 1:9 thu chhiar zawmin , “ Josua hnenah ‘Hlau suh i hnenah ka awm zel dawn’ titu Pathian hi kan hnenah a awm zel dawn a, khawvel thilah chuan ralthuam chi hrang hrang, taksa leh khawvel tichhe thei vek thei khawpa ralthuam hlauhawm te a awm ta. Mahse, thlarau erawh an tichhe thei lo. Nangni erawh chuan Pathian thunung Tisa, Thlarau rilru, ruhtuah leh thlingphel hrang khawp hiala thilti thei in nei a, in puang dawn a, zam suh ang che u’ tiin Missionay thar te fuihna thu tha tak a sawi. Rawngbawlna kawngah kohhran dik tak phun turin a chah bawk. Rev R.Lalrinsanga hian Missionary 4 te hi tirhchhuahna a neih hnu hian Rev.C.Zohmingthanzama,

Gen. Missions Secretary leh Rev C.Lalmuanpuia, North Mizoram Dist. Superintendent ten thutawi tha tak an sawi bawk a. Hemi hnu hian mi thahnem ngai te hnen atangin fuihna thuchah ngaihthlak zui a ni.General PYD choir leh Sis. Laltleipuii te hnen atanginPathian fakna hla amwi tak ngaihthlak

niin he inkhawmah hian Upa Vanlalsiama, Hunthar leh Chanmari kohhran ten Missionary thar 4 te hnenah thilpek an pe nghal bawk. “Lalpa Khawvel mithim zingah” tih hla sakho hnuin Evan VL TLuanga Sinate, Gen, Missions Treasurer in malsawm tawngtainain Missionary thlahna leh tirhchhuahna inkhawm a khar a, inkhawm ban hian Hunthar PYD te buatsaih thingpui leh a hmeh tui tak ei leh in ho a ni.