August thla chhung khan Evan Benjamin Tirki, Oodlabari biala rawngbawl tu chuan nasa taka hma lain chhungkaw 35 zet a la lut. Heng UPC-NEI zawm thar te hi member zat chiah la hriat theih ni lo mahse Oodlabari biala khaw hrang hrang atanga lo lut an ni a. Anandapur atangin chhungkaw 5, Malati atangin chhungkaw 4, Bhandhikuri atangin chhungkaw 10, Naurabagan atangin chhungkaw 16 an rawn lut a, member list tih fel mek a ni. Bro. Benjamin Tirki hi Missions Department hnuaia thawktu (Pay worker) niin ani rawngbawlna hi Lalpan mal a sawm hle a, chutih rualin Ramthim veitu ten sum leh pai kan thawh te a thlawn loa, Pathianin mal a sawm zel a ni tih i hre reng ang u.
Tin, dt 5. September. 2010 Pathianni hian Sikkim khawpui Gangtok -ah mi 5 in Isua hmingin baptisma an chang dawn a, Pastor SB Chhetri an Baptisma rawngbawlna hi a nei ang.
Missionary Evan Lallianbuanga leh Evan Titus Munda ten tunah hian Alipurduar leh a chhevelah rawng an bawl mek bawk. Ramthim ramroa thawktute leh kan fahrinte hi kan ngaihsaka, sum leh pai bakah kan tawngtainaah i hlan mawlh mawlh fo ang u.
No comments:
Post a Comment
Comment tu te chungah kan lawm. Kan site in tlawh tih a hriat e.. Comment zel teh u