N.E.India PYD tena 2nd October-Social Work Day (Vantlang tana thiltha tihni) hun eng emaw chen an lo hman tawh chu kumin 2010-ah pawh vantlang tana thiltha tih nan hman a ni leh a. N.E.India huam chhunga District hrang hrang PYD ten hlawhtling takin an hmang.
Aizawl khawpuiah chuan Aizawl City PYD Co-ordination hmalaknain Aizawl khawpui chhunga Pastor bial 13 ten a huhova hmangin A.R.Lammual hnuaia Green Mizoram thingphun hmun hmate samfai a ni a. Member 600 vel zet an thawk chhuak. A.R.Lammualah chawhma dar 10:00-ah hun tawite hman a ni a, Evan.Laltlanhlua Hnamte, City PYD Co-ordination Comt. Chairman-in kaihruaiin N.E.India PYD hruaitute bakah Pastor thenkhatte telin Sorkar lam atangin Parliamentary Secy.Pu Lalthanzara leh Forest lam hotu liante an tel bawk. He hun hmanpuitu Pu Lalthanzara chuan, “PYD ten vantlang tana thiltha inti thin hi in chhuanawmin in vawikhat tihna mai a ni lo tih ka hria a. In hmalak naah Sorkar pawhin puih zel che u a tum a ni. Sual kawng zawh thalai sang tam tak an awm laia Pathian leh khawtlang tana mi thahnemngai heti zat in awm hi a thlamuan thlak tak zet a ni” a ti. Rev.Lalmalsawma Sailo, General PYD President leh Forest lam hotu ten he hunah hian thu tawi sawina an nei bawk a. Tin, Sis.F.Laldinmawii, Lunglei leh Sis.Laldanglovi, Durtlang ‘N’ ten fakna hla mawi tak an sa bawk. Hnatlanga thawk chhuakte hi Pu Lalthanzara chuan vai liamin hnatlangte chhun thinpui in tur Bethlehem Br. YMA ten an lum sak bawk.
Lunglei ah pawh Lunglei Town Area PYD hmalaknain a huhovin National Highway tihfai hna thawkin member 300 chuang zet an thawk chhuak bawk. Tin, heng bakah hian thingtlang leh hmun dang dangah Local leh bial ten khawtlang tan thiltha tih nan Social Works Day hi hlawhtling takin an hmang bawk. (Social Works Day thlalak hrang hrangte Gallery-ah hian hmuh theih/download theihin a awm e)
Ka ti tha in kan tum a ropui ka ti amaherawhchu member te hian a kum telin kan ngai pawimawhin kan ngai hlu lo telh telh te pawh niin ka hria, NEI PYD member ten hmun hrang hrangah he ni hi vantlang tan a kan hmang hi a tha khawp mai
ReplyDeleteDik viau mia... chemtum nen kha chuan kan thatchhe lek2 bawk lo maw..???
ReplyDeleteHetiang chanchin lo chhiar thin hi kan tih ve theih tawk chu a ni mai si a,a lawmawm thin khawp mai.. ka thalaipuite in fakawm hlawm tak zet zet.
ReplyDelete