November 21, 2010

AIZAWL CITY PYD JOINT FELLOWSHIP HLIMAWM TAK HMAN A NI

Aizawl City PYD Co-ordination Committee buatsaih Aizawl City PYD Joint Fellowship 2010 chu dt 20.November.2010 Inrinni chhun leh zan khan Bethlehem Biak inah hlawhtling taka neih a ni. A thlengtu Bethlehem local leh bial te inpekna a fakawm tak zet a ni.
Inrinni chawhma dar 10:40 ah hun hman tan niin Rev. Darchhawna, Bethlehem Bialtu pastorin hunserh a hman hnuah Bial zaipawl hrang hrang Bethlehem, Bazar, Bawngkawn, Chaltlang, Headquarters,Maubawk, Republic leh Zemabawk ten an hla duh ber hmangin an intihsiak a ni.
Chawhnu lamah Praise programme hlimawm tak hman niin hlim takin zaiho a ni a, Evan Malsawmtluanga Fanai, Gen. PYD Kumpuan Secretary in thutawi a sawi. Tlaiah Bethlehem bial PYD te buatsaih VĂȘnglĂȘng te tan Ruai kilho a ni. Zan lamah Worship programme hlimawm tak hman zui a ni a, Thlarau malsawmna nen hun nuam tak hman a ni. Evan C.Lalthantluanga, Gen. PYD Secretary in Pathian thuchah tawite sawiin General Choir kaihhruainain Worship programme nuam tak hman a ni a, Thlarau lam hlapui nen hun nuam tak hman niin Bethlehem Biak in chhung leh verandah khat tlata PYD pungkhawm ten a huhovin thinlung leh tihtak zeta Lalpa faka inhlantharin Zan dar 9:45 velah inkhawm ban a ni a, hemi hnu hian zan dar 12:30 thleng zaikhawm zui a ni.
Inrinni chawhma zaipawl intihsiak hi Rev.H.Vankunga Memorial Choir Competition niin a pumpuiah Zembawk bial te ti tha berin BESt CHOIR an ni a, Bethlehem bial te 2-na niin bial dang te erawh chu Consolation prize pek an ni. Best Conductor chu Bro.M.S Tluanga Bazar Bial Conductor niin lawmman pawisafai pek a ni bawk
A vawikhatna atana buatsaih Joint fellowship hi a hlawhtlingin a zawngchhangtlak hle a ni.
( Joint fellowship thlalakte GALLERY-ah En theih a ni e.. CLICK HERE)

No comments:

Post a Comment

Comment tu te chungah kan lawm. Kan site in tlawh tih a hriat e.. Comment zel teh u