Skip to main content

REVIVAL CRUSADE CHHUNZAWM ZEL A NI

Chaltlang Local PYD buatsaiha dt 3/11 Nilai zan atanga Chaltlang Biak Ina neih tan Revival Crusade chu dt 7/11 Pathianni thleng tura rel nimahse, Speaker te rawngbawlna Lalpan mal a sawmin boruak a nuam chho tak zet a, Biak In pantu pawh pung deuh deuhin rawngbawln chhunzawm leh tura rel niin Church Board Committee remtihnain Dt 10/11 Nilaini zan thleng Crusade hi neih a ni ang.
Evan P Lalneihsanga, Apostollic revival team speaker leh a hote rawngbawlna Lalpan a hmangin mal a sawm tak zet a, tisa leh thlarau lamah kohhran ten nasa takin hlawkna an tel mek. Thlarau Baptisma changthar eng emaw zat awm tawhin siamtharna chang pawh an awm bawk.
Dt 8/11 Thawhtanni hian Chaltlang Local PYD te leh Revival Team te Chawhlui kilhona turin Upa Lalnunnema, Adviser chuan Rs 4,000.00 a thawh a, Pathian pawlhona te neiin tlai lamah chawhlui kilho a ni ang.
Speaker thusawi leh rawngbawlna a ropuiin chak lo leh tlu tawhte kaihthawh mek zel an ni a, a bikin PYD member hlâ te hnuhhnaih tumin zing, chhun leh tlai lamah inlamah lenchilhin tawngtaina leh Pathian thu sawipuina neih thin a ni.
Crusade hi Chaltlang Bial chhung tangin mi engemaw zatin chhimin Bial pawn atang pawhin chhimtu an awm bawk a, he Revival Crusade chhim tur hian Chaltlang PYD te chuan mi zawng zawng a sawm a ni

Comments

Popular posts from this blog

 NORTH EAST INDIA PYD ZINGA LA AWM NGAILO T-SHIRT TLANGZARH Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni. Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang. 
 INTLAWH TAWN HUN HMA NG Dt 22 & 23 hmang khan Chaltlang kohhran chu Sesawng PYD ten an tlawh. August ni 13 & 14 hmang khan Sesawng kohhrante Chaltlang PYD ten an lo han tlawh tawh a ni. He intlawh tawnna hian tisa leh thlarauah hlawkna leh malsawmna ropui leh duhawm tak a keng tel a. Sesawng PYD ten Chaltlang kohhran an rawn tlawh tum pawh hian Thlarau lam Revival ropui tak lo thlengin tawnghriat leh tawnghriat lohte nen Pathian fakho a ni. Inkhawm apiangin zai boruak a nuamin zaikhawm boruak pawh a nuam thin hle a ni. Inrinni zanah Evan R. Lalthakima, Chaltlang PYD President chuan inkhawm kaihruaiin Bro. P. Lalhlimpuia, Sesawng PYD President-in thu a sawi a. Pathianni zing inkhawmah Evan R. Lalthakima vekin inkhawm kaihruaiin Evan JH Lalhminghlua, Vice President, Sesawng PYD in thusawi lehin Pathianni chhun inkhawm hi Bro. David Lalremruata, Chaltlang PYD Secretary-in kaihruai thungin Bro. Ricky Lallawmzuala'n thusawina a nei a. Pathianni zanah Evan R. Lalthakima'n in...
  CHALTLANG PYD LEH CHANMARI PYD TEN INTAWHKHAWMNA NEI Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho. He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk. He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.