Skip to main content

UPC INDIA UNIT 62th GENERAL CONVENTION HMANG MEK

62th UPC India Unit General Convention chu April ni 28 zan atang khan Kerela state khawpui zinga lar tak zinga mi Cochin atanga hla lo te Aluva hmunah YMCA International Centre -ah tan a ni ta. He inkhawmpui hmanpui tur hian India Unit General Superintendent Rev. D. Jothi Raja Singh chuan North East India UPC atangin mi 8 a sawm a, sawmna tihlawhtlingin Rev. K. Darsailova, General Superintendent hoin palai mi 8 te chuan Dt 26/04/2011 Thawhlehni khan Aizawl chhuahsanin Kolkata an pan a, inkhawmpuina hmun tur, YMCA Campus, Aluva hi dt 27/4/2011 tlai dar 3:30 khan tluang takin an thleng a ni. UPC-NEI Unit atanga palai kal te chu :
1. Rev. K. Darsailova, General Superintendent
2. Rev. R. Lalhawia, District Superintendent Aizawl East
3. Rev. C. Lalmuanpuia, District Superintendent N. Mizoram
4. Rev. R. Lalrosanga, District Superintendent Lunglei
5. Rev.C. Valey, District Superintendent Chhimtuipui
6. Rev. C. Satinkapa, Secretary Chhimtuipui
7. Pastor. C. Vanlalena, Secretary Lunglei
8. Rev. Ralkapkunga Khiangte, Treasurer Lunglei te an ni.

UPC India Unit Executive Board chu Dt Ni 26 & 27 khan tluang tak
a neih a ni. He conference hmanpui tur hian USA atangin mi 2 an tel thei bawk a ni. Rev. Prince Mathiaz, Sri Lanka Missionary, Rev. James Corbin Missionary to Bangladesh, Rev. K.Darsailova, Gen. Supdt UPC-NEI bakah midangten Pathian thuchah an sawi thin dawn a ni. Dt 29.04.2011 hian Departmental Conference an nei ang a, Dt 30.04.2011 hian Conference Business an nei bawk ang. Dt 1st May 2011 Pathianni zan hian inkhawmpui hi a tiak ang. Inkhawmpui hlimawm tak nei turin duhsakna kan hlan e.


Comments

Popular posts from this blog

 NORTH EAST INDIA PYD ZINGA LA AWM NGAILO T-SHIRT TLANGZARH Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni. Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang. 
 INTLAWH TAWN HUN HMA NG Dt 22 & 23 hmang khan Chaltlang kohhran chu Sesawng PYD ten an tlawh. August ni 13 & 14 hmang khan Sesawng kohhrante Chaltlang PYD ten an lo han tlawh tawh a ni. He intlawh tawnna hian tisa leh thlarauah hlawkna leh malsawmna ropui leh duhawm tak a keng tel a. Sesawng PYD ten Chaltlang kohhran an rawn tlawh tum pawh hian Thlarau lam Revival ropui tak lo thlengin tawnghriat leh tawnghriat lohte nen Pathian fakho a ni. Inkhawm apiangin zai boruak a nuamin zaikhawm boruak pawh a nuam thin hle a ni. Inrinni zanah Evan R. Lalthakima, Chaltlang PYD President chuan inkhawm kaihruaiin Bro. P. Lalhlimpuia, Sesawng PYD President-in thu a sawi a. Pathianni zing inkhawmah Evan R. Lalthakima vekin inkhawm kaihruaiin Evan JH Lalhminghlua, Vice President, Sesawng PYD in thusawi lehin Pathianni chhun inkhawm hi Bro. David Lalremruata, Chaltlang PYD Secretary-in kaihruai thungin Bro. Ricky Lallawmzuala'n thusawina a nei a. Pathianni zanah Evan R. Lalthakima'n in...
  CHALTLANG PYD LEH CHANMARI PYD TEN INTAWHKHAWMNA NEI Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho. He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk. He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.