PSM Graduation Day hman a ni

North Mizoram District Pathian thu zirna Pentecostal School of Ministry (PSM) 2011 Session exam chu Dt 1th – 6th July 2011 chhung khan neih a ni a, Dt. 8th July 2011 Zirtawpni dar 12:30 p.m khan North Mizoram District Hqrs Biak In, Tuikhuahtlangah Graduation Day hman a ni.

Graduation Day hun hman hi Rev. C.Lalmuanpuia, District Superintendent leh PSM chairman ni bawkin a kaihhruai a, Zirtirtu aiawhin Rev. Zohmingthanzaman thu a sawi ang a, Result puan leh Marksheet hlanna Rev. C.Lalrammuanan neiin. Zirlai aiawhin Evan. Lalpianthangan thu a sawi a, Rev. V.L Dika Sailo, General Missions Director-in Graduate tharte hnenah Certificate hlanin Rev. P.Chunga General Superintendent, UPC-NEI-in thusawiin Rev. R.Lalrinsanga, General Secretary UPC-NEI-in lawmman a sem thung. Aizawl East District Superintendent Rev.R.Lalhawian thutawi a sawi bawk. He hun hmanah hian Sis. Lalthansangi, Bro. H.Lalrinawma leh North Mizoram District Choir ten fakna hla an sa a, Rev. R.Thangliana (Rtd)-in malsawm tawngtainain Graduation Day hun hi a khar a ni. Tlai lamah chawhlui tui hnai tak kilho zui nghal a ni.

Graduate thar mi 5 te:
1. Evan Lalpianthanga, Dinthar
2. Bro. Lalhmangaiha Tlau, Tlangnuam
3. Evan. R.S Lalnunmawia, Dinthar
4. Evan Hrangchhankhuma
5. Bro. Zoramthara, Reiek te an ni. Kumin hian PSM-ah hian zirlai 21 awmin III year zirlai mi 5 te hi an Graduate vek a, exam-ah pawh zirlai zawng zawngten hlawhtlinna an chang vek a ni. PSM hi Nakkum 2012 June-ah chhunzawm leh a ni ang.