August 31, 2011

Kumpuan THIANGHLIMNA chungchangah TRAINER'S TRAINING neih a ni

North Mizoram District PYD KUMPUAN COMMITTEE huaihawtin Aizawl khawpui chhunga Local leh Bial PYD hruaitute tan Dt. 31st August 2011 Nilaini hian Dinthar Biak inah Trainer's Training neih a ni a, Aizawl khawpui chhung atangin hruaitu 80 chuang zet an kal a, Rev. C.Lalrammuana North Mizoram Dist. Secretary, Evan Lalchhuanmawia Sailo - Hqrs, Nula Lalrinpuii(Te Te-i)- Psychologist NTCP te resource person an ni.

I Session
Chawhma dar 11:00 am khan Trainer's Training hi tan niin Bro. K.Lalngilneia, Chairman District Kumpuan Committee (N.Mz Dist PYD Vice President) in a kaihhruai a, Upa K.Zohrangchhuana North Mz District Treasurer-in Pathian hnenah ta
wngtaiin hun a hlan a, hemi hnu hian General PYD Choir leh Bro. Lalruatfela Pachuau ten fakna hla an sa a, hemi hnu hian INCHEINA LEH ZUK LEH HMUAM tih thupui hmangin Rev.C.Lalrammuana North Mizoram District Secretary in paper a present a, hemi hnu hian Evan C.Lalpianthanga District PYD Secy in I session hi tawngtainain a khar a, thingpui inho a ni.
II Session
Chawhnu dar 12:50 ah tan leh a ni a, District Choir leh Bro.Alex Lalchhuankima ten fakna hla an sa a, hemi hnu hian Evan.Lalchhuanmawia Sailo, Hqrs in IT LEH MIPAT HMEICHHIATNA tih thupui hmangin paper a present zui bawk. Sawihona leh zawhna chhanna hun tawite hman zui anih hnuah resource person-in tawngtaina a nei a, II session tihtawp a ni
III Sesssion
Session 3-na ah hian National Tobacco Control Society atangin Nula Lalrinpuii, Psychologist-in ZUK LEH HMUAM chungchang ngaihnawm tak leh hmuhnawm tak presentation a pe a, zawhna leh chhanna hun hlimawm tak hman chhunzawm a nih hnuah dar 4:30 p.-ah
Rev.C.Lalramthanga District PYD President-in tawngtainain hun hi a khar ta a ni.
Thianghlimna chungchanga Trainer's Training a kalte an hlawkin local leh bial hrang hranga hmala chhunzawm turin phurna leh beiseina nasa tak a siam a ni.

No comments:

Post a Comment

Comment tu te chungah kan lawm. Kan site in tlawh tih a hriat e.. Comment zel teh u