BIAL SUNDAY SCHOOL CONFERENCE HMAN MEK A NI

North Mizoram District leh Aizawl East Disrict huamchhunga Pastor Bial zawng zawng ten Dt. 9th September 2011 Zirtawp zan atang khan Bial Sunday School Conference an hmang tan a, Bial hrang hrang ten intihsiakna tha hmangin Bial Sunday School Inkhawmpui hi an hmang mek. Bialtam zawkin Dt. 10th September 2011 Inrinni chhun hian Conference rorel an nei a, bial thenkhat ten Dt. 10th September 2011 Inrinni zan atangin intihsiak an tan bawk. Sunday School inkhawmpui hi naktuk Pathianni Dt. 11 Sept.2011 zan hian a tiak ang.

Bial hrang hrangten Puitling leh Naupang intihsiakna an nei tlangpui a, Lengkhawm zai leh Quiz hmangin Puilting inelna siam an awm bawk. Naupang lamin Châng (Bible thu), Thu Inchhâng, Group zai - Solfa leh Lengkhawm zai te, Recitation leh solo te hmangin intihsiakna neih a ni tlangpui. Naktuk Pathianni hian intihsiakna hi chhunzawm a ni ang a, lawmman sem a ni bawk ang.

Aizawl khawpui chhunga bial hrang hrang(Hriat theih chin)te Bial Sunday School Conference hmanna hmun te hetiang hi a ni:

Bazar Bial : Armed veng kohhranah

Bethlehem Bial : Bethlehem kohhranah

Bawngkawn Bial : Bawngkawn kohhranah

Thuampui Bial : Thuampui kohhranah

Zemabawk Bial : Tuirial Airfield kohhranah

Upper Republic Bial : Salem veng kohhranah

Hqrs Bial : Hqrs. kohhranah

Dinthar Bial : Dinthar kohhranah

Chaltlang Bial : Chanmary kohhranah

Durtlang Bial : Mualveng kohhranah

Comments

Popular posts from this blog

NORTH EAST INDIA PYD ZINGA LA AWM NGAILO T-SHIRT TLANGZARH Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni. Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang.

CHALTLANG PYD LEH CHANMARI PYD TEN INTAWHKHAWMNA NEI Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho. He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk. He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.

INTLAWH TAWN HUN HMA NG Dt 22 & 23 hmang khan Chaltlang kohhran chu Sesawng PYD ten an tlawh. August ni 13 & 14 hmang khan Sesawng kohhrante Chaltlang PYD ten an lo han tlawh tawh a ni. He intlawh tawnna hian tisa leh thlarauah hlawkna leh malsawmna ropui leh duhawm tak a keng tel a. Sesawng PYD ten Chaltlang kohhran an rawn tlawh tum pawh hian Thlarau lam Revival ropui tak lo thlengin tawnghriat leh tawnghriat lohte nen Pathian fakho a ni. Inkhawm apiangin zai boruak a nuamin zaikhawm boruak pawh a nuam thin hle a ni. Inrinni zanah Evan R. Lalthakima, Chaltlang PYD President chuan inkhawm kaihruaiin Bro. P. Lalhlimpuia, Sesawng PYD President-in thu a sawi a. Pathianni zing inkhawmah Evan R. Lalthakima vekin inkhawm kaihruaiin Evan JH Lalhminghlua, Vice President, Sesawng PYD in thusawi lehin Pathianni chhun inkhawm hi Bro. David Lalremruata, Chaltlang PYD Secretary-in kaihruai thungin Bro. Ricky Lallawmzuala'n thusawina a nei a. Pathianni zanah Evan R. Lalthakima'n in...

Chaltlang PYD

Search This Blog