UPC-NEI & Mz UPC HRUAITUTE LEH AIZAWL DC INBIA. Biak In leh Pastor Qtrs. kalh mek hawn dan tur Ruahmanna ( Road Map) siam te thlirho a ni

Dt. 14.9.2011 Nilaini khan Aizawl DC chuan UPC-NEI hruaitute leh min chhuahsantu Mizoram UPC hruaitute ve ve meeting a neihpui leh a, Court thuchhuakin Ram, Pastor Qtrs, Biak in leh property changtu tura a tihte hnena hlan leh luah hun tur ruahmanna(Road Map) a siampui. He ruahmanna Aizawl DC in a siam hi UPC-NEI Executive Board chuan a la ngaihtuah dawn a ni. DC -in Biak in/Qtrs kalh hawn hun leh thil tihfel hun tur a ruahman dan hetiang hi a ni:

     Thawhkhatna, Aizawl khawpui chhung deuh bika mi chinfel leh tihfel tur te:

Dt. 20.9.2011 Thawhlehni-ah :

     Heng a hnuaia mi te hi Court-in a neitu tura a pekten an luah sa mekte an ni.

1. UPC-NEI chan : Mualpui Ram, Kawlthei huan ram, Sialsuk Pastor Qtrs, Aibawk Pastor Qtrs

2. Mizoram UPC chan : Chaltlang pastor Qtrs, Durtlang Pastor Qtrs, Dinthar Pastor Qtrs.

Dt. 21.9.2011 Nilaini-ah :-

     Heng a hnuaia mi kalh mek te hi sawrkar thuneitute nen a neitu tura Court-in a pekten an luah turin hawn a ni ang:

1. UPC-NEI chan : ITI Biak In, Ramhlun Vengthar Biak In

2. Mizoram UPC chan : College Veng Biak In, Armed Veng Biak In.

Dt. 22.9.2011 Ningani-ah :

1. UPC-NEI chan : Chaltlang Biak In, Zemabawk North Biak In

2. Mizoram UPC chan : Chanmari West Biak in

Dt. 23.9.2011 Zirtawpni-ah :

1. UPC-NEI chan : Hqrs. Biak in, Office Building, Printing Press building, Pastor tqrs Hmarlam (District Secretary Qtrs.), PG High School

2. Mizoram UPC : Pastor Qtrs chhim lam ami (District Superintendent Qtrs.) leh ram sahthlak tihfel.

Heng baka Aizawl khaw pawna Pastor Qtrs. hrang hrang - Bairabi, Mamit, Reiek, Thenzawl, Bukpui, Kawnpui, W.Phaileng, Kawrthah, Lengpui, Kolasib, Bilkhawthlir leh Vairengte ami te chu Thawhhnihnaah tihfel a ni ang. Heng Pastor Qtrs. te hi kalh nilovin luahlai mek anni deuh vek a ni.