2011 SOCIAL WORK DAY

Dt. 1.10.2011 hian Aizawl City PYD chuan Social work day denchhenin a mamawh apiang te hman turin Aizawl Civil Hospital Blood Bank hnenah thisen an pe a. He hun hi PG School ah neih niin City PYD Co ordination committee Secretary Evan Laltlanhlua Hnamte in a kaihruai a, City PYD Chairman Upa Zohrangchhuanan hunserh hmangin function tawite neih ani a, Rev. Lalmalsawma Sailo, General PYD President in a hmanpui ani.

Hemi ni hian Thisen unit 132 lai an pe ani. Thisen pe tute hi Mipa 112 niin hmeichhia 20 an ni. Ruah sur in a tih buai deuh avangin leh Blood Bank hnathawktuten thisen pek hun an khar hma

deuh avangin pe tur a kal mi thahnem tak ten an pe ve hman ta lo ani.

Aizawl khawpui pawn lamah pawh Social work day hi hman a ni a, kan

hriat theih chin hetiang hi ani -

1. Lunglei - Hrangchalkawn leh Zobawk inkar a Forest Deptt thing phun an sam fai a, District Park kawng samfai leh thutthleng rawng hnawih leh Nehemia PrayerMountain a tawngtaina in te tifaiin hun an hmang.

2. Saiha - Civil Hospital, Saiha ah thisen pek ani.

3. Serchhip - Khawchhung leh kawng vel ti faiin an hnatlang ani.

4. Kolasib - Civil Hospital, Kolasib compound an sam fai.

5. Lawngtlai - Civil Hospital, Lawngtlai ah thisen an pe.

6. Maite - Culvert tifaiin an khua ah vantlang zun in an siam bawk.

Comments

Popular posts from this blog

NORTH EAST INDIA PYD ZINGA LA AWM NGAILO T-SHIRT TLANGZARH Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni. Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang.

INTLAWH TAWN HUN HMA NG Dt 22 & 23 hmang khan Chaltlang kohhran chu Sesawng PYD ten an tlawh. August ni 13 & 14 hmang khan Sesawng kohhrante Chaltlang PYD ten an lo han tlawh tawh a ni. He intlawh tawnna hian tisa leh thlarauah hlawkna leh malsawmna ropui leh duhawm tak a keng tel a. Sesawng PYD ten Chaltlang kohhran an rawn tlawh tum pawh hian Thlarau lam Revival ropui tak lo thlengin tawnghriat leh tawnghriat lohte nen Pathian fakho a ni. Inkhawm apiangin zai boruak a nuamin zaikhawm boruak pawh a nuam thin hle a ni. Inrinni zanah Evan R. Lalthakima, Chaltlang PYD President chuan inkhawm kaihruaiin Bro. P. Lalhlimpuia, Sesawng PYD President-in thu a sawi a. Pathianni zing inkhawmah Evan R. Lalthakima vekin inkhawm kaihruaiin Evan JH Lalhminghlua, Vice President, Sesawng PYD in thusawi lehin Pathianni chhun inkhawm hi Bro. David Lalremruata, Chaltlang PYD Secretary-in kaihruai thungin Bro. Ricky Lallawmzuala'n thusawina a nei a. Pathianni zanah Evan R. Lalthakima'n in...

CHALTLANG PYD LEH CHANMARI PYD TEN INTAWHKHAWMNA NEI Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho. He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk. He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.

Chaltlang PYD

Search This Blog