Skip to main content

Orphanage Home (ASC Home, Kolasib) in hma a sawn zel

Image
By Pachuau Lalrokima
* Fahrah Chanhai Naupangte engtik lai pawhin Naupang 1 thla 1-ah Rs 500/- in a sponsor theih
* ASC Home in hma a sawn zel
►Sis. Sue Sarantos, Secretary to Calvary Chapel Church, Australia (Rev. JW Downs-a te Kohhran kan tih mai thin hi) te nupa chu Mizoramah rawn zin mekin Dt. 28/10/2011 Zirtawpni hian Aizawl atanga lehlangin ASC Home, Kolasib an tlawh a, hmalakna kalpui mek leh Home dinhmunte an rawn thli thlai... Sis. Sarantos te nupa hian Dt. 2/11/2011 Nilaini hian Mizoram chhuahsanin an ram an pan leh ang.
►Kolasib-a kan Orphanage Home (ASC Home) naupangte hi sponsor theih reng an ni a. Thlatin naupang 1 Rs 500/- in a sponsor theih a ni. A rei zawngah biruk chin erawh a awm lo thung. Tunah hian mi thahnemngaiten naupang sponsored an intihhmuh mek zel. Kan Kohhranin Fahrah enkawlna/Chawmna in kan neih ASC Home-a naupang tehi Chanhai, nu leh pa nei tawh lo te, ruihhlo vanga talbuai mek anmahni enkawlthei lo naupang te, fahrah chanhai tak tak enkawltu leh tuamhlawmtu nei lote niin tunah hian Naupang 42 an awm mek a. Kum 2 hnuai lam 2 an awm nghe nghe a ni. Naupang sponsor duh tan, General Hqrs. Office, Ramhlun S, Aizawl-ah emaw Project Director, ASC Home, Kolasib Khuangpuilamah emaw a pek theih reng a ni.
►General LAD te tanpuinaa ASC Home Office building sak pawh zawh thawkhat a ni a, 'plastering' tih mek a ni. November thla chhung hian zawh fel tum a ni.Tin ,Australia Kohhrante tanpuinaa a hung hna 'Brick Fencing' siam mek pawh zawh thawhkhat a ni ta a, krismas hma ngeiin 'plaster' pawh zawhfel vek tum a ni.
Sis. Lalhnemthangi, Zemabawk in sum a pek Rs 90,000/- hmangin Inverter 1500 wt a sang Rs 30,000/- man lei thar a ni a, ASC Home leh SDBS(Susane Down Boarding School) in an chhawr tangkai hle mai. Tin, hnim samna khawl (Grass Cutter) pawh Rs 15000/- in lei thar a ni bawk a. Hmangaih thil thlawn pek petu Sis. Lalhnemthangi chungah hruaitute an lawm tak zet a ni.
►Kolasib Khuangpuilama Fahrah chawmna leh enkawlna In (ASC Home) leh Susane Down Boarding School enkawl hian Pastor R.Lalrinmawia chu Project Director-in a awm mek a, ani kaihhruaina hnuaiah hian Pathian ven leh enkawlin, mi thahnemngaite zarah ASC Home leh SDBS hian hma a sawn mek zel a, a lawmawm hle a ni. ASC Home-ah hian tunah hian thawktu 10 an awm mek a ni.

Comments

Post a Comment

Comment tu te chungah kan lawm. Kan site in tlawh tih a hriat e.. Comment zel teh u

Popular posts from this blog

By
 NORTH EAST INDIA PYD ZINGA LA AWM NGAILO T-SHIRT TLANGZARH Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni. Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang. 
5 comments
Read more
By
  CHALTLANG PYD LEH CHANMARI PYD TEN INTAWHKHAWMNA NEI Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho. He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk. He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.  
10 comments
Read more
By
 INTLAWH TAWN HUN HMA NG Dt 22 & 23 hmang khan Chaltlang kohhran chu Sesawng PYD ten an tlawh. August ni 13 & 14 hmang khan Sesawng kohhrante Chaltlang PYD ten an lo han tlawh tawh a ni. He intlawh tawnna hian tisa leh thlarauah hlawkna leh malsawmna ropui leh duhawm tak a keng tel a. Sesawng PYD ten Chaltlang kohhran an rawn tlawh tum pawh hian Thlarau lam Revival ropui tak lo thlengin tawnghriat leh tawnghriat lohte nen Pathian fakho a ni. Inkhawm apiangin zai boruak a nuamin zaikhawm boruak pawh a nuam thin hle a ni. Inrinni zanah Evan R. Lalthakima, Chaltlang PYD President chuan inkhawm kaihruaiin Bro. P. Lalhlimpuia, Sesawng PYD President-in thu a sawi a. Pathianni zing inkhawmah Evan R. Lalthakima vekin inkhawm kaihruaiin Evan JH Lalhminghlua, Vice President, Sesawng PYD in thusawi lehin Pathianni chhun inkhawm hi Bro. David Lalremruata, Chaltlang PYD Secretary-in kaihruai thungin Bro. Ricky Lallawmzuala'n thusawina a nei a. Pathianni zanah Evan R. Lalthakima'n in...
2 comments
Read more