Skip to main content

Aizawl City PYD JOINT FELLOWSHIP Vawi 2-na hlim taka hman zawh a ni ta

Aizawl City PYD Joint Fellowship vawi 2-na chu Dt. 20th November 2011 Pathian chawhma, chhun leh zan khan hlim leh hlawhtling taka neih zawh a ni ta. Aizawl khawpui chhung thalaiten a huhova Lalpa fakna hun an hmanah hian Aizawl khawpui chhung atangin PYD member an kal tha hle a. Hlim leh lawm takin hun hman ho a ni.
            Pathianni chawhmaah Bro. Lallawmkima, Joint Fellowship Organising Committee chairman-in inkhawm a kaihruai a, Rev. Chhiarpuia, Hqrs. bialtu pastor in hunserh a hmang a, bial zaipawl intihsiakna neih chhunzawm niin  Bazar bial, Bawngkawn bial, Zemabawk bial, Thuampui bial leh Dinthar bial te zaipawl intihsiakah hian an tel a, hla thlan sa 1 leh zaipawl in anmahni duhzawng hla an thlan hmangin intihsiak hi neih a ni.
            Chawhnu lamah Upa K.Zohrangchhuana, Aizawl City PD Co-ordination Committee Chairman-in inkhawm a kaihruai a, Upa R.Lalhmangaihzuala, Bawngkawn, hun rei tak City PYD lo hruai tawh chuan hunserh a hmang. Chawhnu inkhawmah hian Khatla South PYD Male Voice, Bro. Alex Lalchhuankima, Bethlehem bial zaipawl, Hqrs. bial zaipawl, Chaltlang bial zaipawl leh N.Mizoram District Choir ten fakna hla mawi tak an sa a. Zemabawk Vengpui ten Short play Drama hmuhnawm tak mai an entir bawk. Tin, City PYD in kumin 2011 Thisen pek runpui a buatsaih (Blood For Jesus) a thisen pe hnem ber Bazar bial hnenah lawmman pek a ni a, lawmman hi Bro. James Thanghmingmawia (MZP President) chuan a hlan a ni.
            Tlai lamah Hqrs. Local PYD leh Church board ten ruai an buatsaih chu Fellowship-a kal ten kilhoin an tlaiin an puar hle.
Best Choir - Bazar Bial Zaipawl
            Zan lamah Evan. K.Lalhmunsanga, City PYD Treasurer chuan inkhawm a kaihruai a, Zaipawl intihsiak lawmman sem niin bial zaipawl 5 zingah Best Choir lawmman chu Bazar Bial Zaipawl ten an dawng a, Best Conductor-ah Bazar bial zaipawl conductor Bro. Malsawmdawngliana chu thlan a ni. (Ani hi kum 2010 ah Best Conductor-ah thlan a lo ni tawh bawk). Zaipawl dang zawngte Consolation prize pek an ni.
            Zan inkhawmah hian BESY Choir ten zaia rawngbawlna neiin an zai mawi hle a. Tin,. Bro. Alex Lalchhuankiman fakna hla sain Evan. Laltlanhlua Hnamte, Aizawl City PYD Co-ordination Committee Secretary in Pathian thuchah sawiin fuihna tha tak tak a sawi.
          Pathian malsawmna leh awmpuina nen Thlarau boruak a thain zai a nuam a, hlim leh lawm takin hun hman a ni. Kham lo tak chungin zan dar 9:20 velah City PYD Joint Fellowship chu tin a ni ta.

Comments

Popular posts from this blog

 NORTH EAST INDIA PYD ZINGA LA AWM NGAILO T-SHIRT TLANGZARH Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni. Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang. 
 INTLAWH TAWN HUN HMA NG Dt 22 & 23 hmang khan Chaltlang kohhran chu Sesawng PYD ten an tlawh. August ni 13 & 14 hmang khan Sesawng kohhrante Chaltlang PYD ten an lo han tlawh tawh a ni. He intlawh tawnna hian tisa leh thlarauah hlawkna leh malsawmna ropui leh duhawm tak a keng tel a. Sesawng PYD ten Chaltlang kohhran an rawn tlawh tum pawh hian Thlarau lam Revival ropui tak lo thlengin tawnghriat leh tawnghriat lohte nen Pathian fakho a ni. Inkhawm apiangin zai boruak a nuamin zaikhawm boruak pawh a nuam thin hle a ni. Inrinni zanah Evan R. Lalthakima, Chaltlang PYD President chuan inkhawm kaihruaiin Bro. P. Lalhlimpuia, Sesawng PYD President-in thu a sawi a. Pathianni zing inkhawmah Evan R. Lalthakima vekin inkhawm kaihruaiin Evan JH Lalhminghlua, Vice President, Sesawng PYD in thusawi lehin Pathianni chhun inkhawm hi Bro. David Lalremruata, Chaltlang PYD Secretary-in kaihruai thungin Bro. Ricky Lallawmzuala'n thusawina a nei a. Pathianni zanah Evan R. Lalthakima'n in...
  CHALTLANG PYD LEH CHANMARI PYD TEN INTAWHKHAWMNA NEI Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho. He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk. He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.