December 9, 2011

Chaltlang Local PYD buatsaih REVIVAL CAMPING neih mek a ni.


Chaltlang Local PYD Evangelical Cell buatsaihin December ni 9, Ningani zan atang khan Art & Culture Multipurpose Community Centre Berawtlangah REVIVAL CAMPING neih mek a ni. Campers hmeichhia 9, mipa 9 awmin thawktu mi 4 awm bawkin, Immanuel Revival team speaker Evan H.Lalrinpuia hovin mi 8 ten rawngbawlna an nei mek a, speaker leh councellor te rawngbawlna Lalpan a hmang hle.

Revival Camping hi December ni 10 Inrinni chawhnu lamah chhuah tur a ni a. A tan tirh zan atangin boruak a nuamin speaker Evan H.Lalrinpuian Pathian thuchah a sawite Pathianin mal a sawm hle. Inkhawm kar lakah Councelling class leh Tawngtai inkhawmte neih thin a ni a. Pathian thlarauin a awmpuiin campers ten malsawmna an dawng chho zel a, siamtharna an chang chho mek bawk.

Tawngtai khawl Chaltlang LAD ten Camping hi an thlen belh zel a, campers pawh an pun belh zel bawk.

No comments:

Post a Comment

Comment tu te chungah kan lawm. Kan site in tlawh tih a hriat e.. Comment zel teh u