Assam Missions Field Conference vawi 15-na Bethel, Mazbat hmunah February ni 24 Zirtawp zan atang khan tan a ni a, Conference tan zan atang hian Pathianina awmpuiin mal a sawm hle a. Field chhung hmun hrang hrang atangin palai 140 vel an kal. A tan tirh zan atang hian Thlarau lam hla nen hun hman a ni a. COnference chhunga Pathian biak inkhawm hi Pastor James Lawrence Joute, Assam Field Director chuan kaihhruaiin General Mission Secretary Rev. Zohmingthanzaman Pathian thuchah a puangchhuak thin a, Hindi leh Boro tawngin lehlin thin a ni. Inrinni February ni 25 khan Conference rorel neih a ni a, Pathianni chawhnuah 'Leadership' tih thupuia hmangin seminar neih a ni bawk. Inkhawm apiangin thlarau lam hla sakho thin a ni. Assam Missions Field huamchhunga mite hi Bodo/ Boro, Adivasi, Santali, Assamese, Missing, Nepali, Bengali, etc te niin hnam hrang hrang an ni hlawm a. Mihring dana inhal tak tak leh thisen inchhuah thin te pawh ni mahse, Lalpa thuthlung vangin inngeih leh hlim tlang takin Lalpa fak leh chawimawina hun hman thin a ni.
Conference rorel tlangpui :
1. Nakkum 2012 Conference na hmun tur Demaji Section.
2. 2012 Conference hun atan February 1st week neih tura tinzawn niin General lamah thlen leh a ni ang.
3. Nakkum 2013 Conference lehna atan Conference fund siam a ni bawk.
Conference chhung hian :-
(1) Nilita(Ranikata area) khuaa Mizoram UPC atang a lo lut mi thar 15 te Feb. 25 Inrinni zan inkhawmah Rev. Zohmingthanzaman a lawmlut.
(2) Feb. 26 Pathianniah mi thar1( HIndu) leh Mathikunda atanga conference palai lokal mi 1 ten Isua hmingin sual ngaihdamna baptisma an chang.
(3) Pathianni zan inkhawmah kum 2011 chhunga Sawmapakhat (Tithe) pe tha top 10 te hnenah chawimawina certificate hlan an ni.
Sawmaphakat pe tha Top 3 te :
1. Bro. J. Hrokhu, Tezpur
2. Sis. Linda Lalhlimpuii, Guwahati
3. Bro. Biswanath Soren, Kachugaon.
Pathianni zanah kham lo takin conference hi tin a ni ta a ni. Conference hmanpui hian Rev.Zohmingthanzama Geneneral Missions Secretary leh Bro. P.C. Lalrokima O/A Gen. Missions Dept.. te bakah Halflong atang te, Kolasib atang te in an hmanpui bawk a, tisa leh thlarau lamah conference a kal te an hlawk hle a ni.
Comments
Post a Comment
Comment tu te chungah kan lawm. Kan site in tlawh tih a hriat e.. Comment zel teh u